| 西門's profile西門谷BlogLists |  Tools  Help |
|
June 22 第二百三十八集 我係外星人唔知由幾時開始，呢個世界，越來越多人都認為自己唔係人，個個都聲稱自己係外星人。
呢個情況，我地觀察到，係有蔓延既跡象。 特別係一眾處身於堆填區既人，佢地蔓延既幅度，係全球之冠。
堆填區既人，覺得自己係外星人既，有大約三萬人，兩年黎，多左一倍，係足足一倍。
今年，對好多地球人黎講，係最好的時光，但係，對於堆填區人黎講，就係最壞的時光。
堆填區，一共有十五萬人，即係話，每五個人中，就有一個覺得自己係外星人。
亦即係話，每十個人當中，就有兩個，覺得自己係外星人勒。 所以，我地要做番一d野。
到底，我地（呢個世界），究竟出左乜野問題，點解地球人有地球人唔做，而要離鄉別井，走去做外星人咁巴閉？
而外星人當中，好似有……水星人，火星人，木星人，金星人，天王星人，土星人，海王星人……仲有木星人，等等。究竟佢地想做邊種外星人？
我地，好想知。 作為堆填區人既一份子，我地冇理由去唔正視，冇理由去唔認真探討佢地既生存方式。
畢竟，我地都係同根生。 所以，我地特別搵黎超高收視節目《今日法庭》既節目主持，充當我地既星級記者，去訪問一下呢班「外星人」。
正所謂幾經轉折，我地既攝製隊，係一條走廊盡頭既後巷，終於比我地搵到佢地勒。
－－－－－－－－
而家，我地就一齊，深入佢地呢班「外星人」既生命，去認真了解一下佢地既故事。 第一個出場既……係秋姐。
秋姐，佢係堆填區入面，係負責寫揮春既。
每逢堆填區人最多既時候，佢總會係一條漆黑既後巷中，架著一架木頭車，擺賣揮春。
「埋黎睇埋黎揀！有無好心人幫下我……」
秋姐已經係第二年係度賣揮春，佢曾經試過，一日可以賣到五條揮春，係佢既輝煌時期。
記者：「你做緊乜。」
秋姐：「我係度……賣揮春。」 記者：「一日賣到幾多。」
秋姐：「法官大人，最多……四五條，不過，好多時一條都賣唔去，寫到手都斷。」 記者：「咁變態呀。」
秋姐：「你都覺呀，不過，係地球，寫到手斷，呢度都無人會可憐你，好嬲，越做越衰……」 做到面目模糊既秋姐，好日子，呢三個字，似乎同佢扯唔上任何關係。
秋姐：「我試過即席揮毫，為一個客趕製揮春，但我趕頭趕命寫完之後，佢竟然！話我d墨好臭，仲丟埋落地，我頂你麼！……」
（下刪一千字，斬白，再續）
秋姐：「無所謂，我來自冥王星，無法啦，我呢個星系既人，通常都會比其他星既人忽略、同遺棄既……」
記者：「即係話，你唔係地球人？」
「算啦，好多人都唔會明白既，只有係同我同一星球既人，先會明白。」秋姐係言談間，流露出一副不屑做地球人既表情。
我地既攝製隊，同秋姐傾左成個下午，我地陪住佢寫揮春、賣揮春，直至佢收檔為止。
我地係佢身上，了解左一樣野，就係，佢覺得： 做地球人好悲哀。
唔知你地認唔認同，如果你認同的話，好可能，你已經同秋姐一樣，你係同佢，係同類既。
係下一集，我地會繼續探討另一個活生生故事。
一個自覺有好多火星人係佢周遭既故事。 TrackbacksThe trackback URL for this entry is: http://simon919.spaces.live.com/blog/cns!E3C8E4CC3A954D35!885.trak Weblogs that reference this entry
|
|
|
